ضيفى اللى منورنى ,,,,,

رجاء من ادارة المنتدى حذف جميع مساهماتى

رجاء من ادارة المنتدى حذف جميع مساهماتى

رجاء من ادارة المنتدى حذف جميع مساهماتى

رجاء من ادارة المنتدى حذف جميع مساهماتى

رجاء من ادارة المنتدى حذف جميع مساهماتى

رجاء من ادارة المنتدى حذف جميع مساهماتى

رجاء من ادارة المنتدى حذف جميع مساهماتى

اول سؤال....انا اسمي هو محمد عبد الجواد محمد عبد الجواد....يعني محمد عبد الجواد اس اتنين......وعندي 20 سنه وانا خريج من تجاره انجليزي الصيف ده ....انا وحيد ما عنديش اخوات لااولاد ولا بنات وده خلاني اتمتع بمميزات اول العنقود ومميزات اخر العنقود في نفس الوقت.....انا بحب الجري وبحب اشرب الشاي الاخضر والقهوه المثلجه خصوصا من كوستا وباحب القرأه من وانا في ابتدائي وفضلت تتطور من اول رجل المستحيل وحبيبي رفعت اسماعيل ولغايه دلوقتي.......وباحب الكتابه وباحاول ادخل في مجال كتابه الروايات وبكتب حاجات خفيفه كد يعني شبه شعر....بحب الحيوانات بجنون وممكن اعمل خناقه محترمه مع اي عربجي شايف نفسه علي حماره الغلبان....ويمكن ده عشان انا وحيد....ونسيت اقول ان بابا متوفي يعني عيلتي ضخمه جدا اتا وماما وبس ههههه

انا كان مجموعي 94.50 وكان نفسي ادخل اثار لاني بحب التاريخ الفرعوني او ادخل اداب انجلش لاني بموت في اللغه الانجليزيه وفي القرأه بس......بابا الله يرحمه كان شغال مراقب حسابات في الجهاز المركزي للمحاسبات وده الجهاز اللي بيراقب اموال البلد وكان بيحاول يقنعني اني ادخل تجاره انجاش لانه بحكم موقعه كان شايف ان ده الاصلح ليا في الحياه العمليه وقالي ان الادب مش مهنه للاني ممكن ابقي محاسب وكاتب وشاعر عادي......وبابا كان ذكي ومقنع وبجد ديمقراطي جدا الله يرحمه وبعد تفكير اخدت القرار ودخلت تجاره انجلش ولاكتشفت ان كلامه صح كتير.......بس قدر ربنا كات وهو لسه صغير وملحقش يشوف اينه الله يرحمه

واعتقد ان رديت الشسؤال اللي فات علي ده برضه..........وانا طوال الفتره اللي فاتت كنت بنمي حبي للقرأه والكتابه كتيررر جدا..........وده احلي حاجه بالنسبالي بجانب الشغل ان شاء الله

انا خدت درس مره واحده بس في ماده واحده بس وكانت اقل تقدير....هههه.....وكنت انا وصحابي الانتيم بتجمع قبل الامتحانات نجمع الملازم ونعرف اللي هيفيدنا ونجمع المحاضرات لاني ماكنتش باحضر كتيررر لاني مش من هواه الحضور وكنت ادخر طاقتي لاخر وماذكرتش بالكم اد ماكنت باركز علي اللي هيفيدني واعرف اهم كلام الدكاتره عن امتحانتهم والحمد لله تقديري العام جيد جدا انا وصحابي دول وده فضل من ربنا ووالله كنا بس بنحسبها بذكلاء مش حتيته خالص والله ده احنا كنا بنخرج سينما في الامتحانات كمان.........وانا كنت قسم محاسبه والاقسام اللي هناك هي المحاسبه والاقتصاد والاحصاء والاداره..........بيس البافضل عمليا المحاسبه والاسهل دراسيا الاداره....وتجاره انجلش مسهله العمل كتير خصوصا اني الحمد لله اعرف ناس كتير عندهم شغل ليا.........ومن غيرهم برضه في فرص كتييير والله الحمد لله

ممكن اقول وطبعابلا فخر والله لان صعب حد يقول مميزاته بحياد بس انا حاسس ان مميزاتي هي.......اول حاجه اني حنبن زياده ومابحبش اكسف حد او او اتكبر عليه لو اقل مني وانا حنين اوي علي الحيوانات بشكل اوفر شويه لدرجه اني وياللهبل مابحبش اموت حتي النمل وماعرفش دي عقده ولا ايه....هههه...........تاني حاجه اني بحاول اكون وسط في حياتي احط ربنا قدام عينيا وادي كل فروضه ونفس الوقت اعيش شبابي عادي لاني ابحبش لا التوهه ولا التشدد................تالت حاجه باحب التغيير والخروج والتعارف والاحساس بالعالم حواليا.............رابع حاجه باحب اسمع لاي حد حتي لو ممل في كلامه وباحب اوي شرك حد مشكله وانصحه واحلهاله بامر ربنا يعني.................خامس حاجه مابحبش اهيص علي البنات ولا يهمني اعرف كام واحده وباحس ان مش من الرجوله التباهي بعدد البنات اللي ضحكت عليهم ولا اللسي اتعرفت عليهم والحاجات الباقيه المعروفه وانا باحب الهدوء والتعامل برقي..................واسف علي كلمه انا وربنا يغفرلنا..............................اول عيب فيا...اني هادي زياده فده بيخلي اللي قدامي يتخيلني بارد ......تاني عيب اني بتعامل مع الناس بطريقه ساعات تخليهم يتخيلوا اني ممكن يتضحك عليا او اني طيب اوفر بس طبعا يعرفوا ان ده غلط بعدين واني عادي.......تالت حاجه.......ساعات باكتم الزعل وده غلط وبحاول اعالجه بحاجه زي اليوجا كده..................رابع عييب......خجول شويتين قدام الينات بس دلوقتي خلاص اعتقد اني بدأت اتغير................خامس حاجه....بحب المقالب الخفيفه الكوميدي ساعات اتلائم لللاسف

بالنسبه لي اللي بنفرني من شخص لو مثلا مش بيصلي وهو مطنش مش بيحاول يقرب من ربنا وكمان الهمجيه في المعامله والعصبيه لاتفه الاسباب وعدم احتواء شريكه الحياه والتكبر والغرور وعدم الاهتمام بالنظافه الشخصيه وتحقير الاخر لو مختلف عني والبخل والحسددد.............................اللي يعجبني بقي في ولد مثلا لما يكون راجل بجد ومع اصحابه بالذات ومش بيحب البوز عمال علي بطال وكريم ومتواضع وحبوب كده مش بيغير من صاحبه...............اللي بحبه في البنت مثلا اما تكون واثقه من جمالها فيديها ده جاذبيه وتبقي جميله فعلا...اما تكون رقيقه مش مسترجله زياده ولا عامله نفسها بنت كولل اخر حاجه.....اما تكون محترمه ونفس الوقت باحب انها تكون اجتماعيه ......لما تكن طموحه وتناقشني ومممكن تقف قصاد رأيي وتبقي عندها شخصيه...........اما تكون حنينه عليا زي امي وكمان حاسه بانوثتها وبانها راشه في وسك الغابه اللي احنا فيها.............وشكلي كده قلت مواصفاه فتاه الاحلام هههههه

الحلم اللي حققته اني خسيت..لاني وزني كان 95 كيلو بس بلاصرار والرياضه واللاكل الصح بقيت 64 كيلو خلال سنه وده خلاني احس بالحياه اكتر وكمان احب اللبس والشوبينج والموضه واللاهتمام باني ابقي ستايل مختلف وحلو...............اللي ماحققتوش اني كنت عايز ادخل كليه اثار واحضر دكتوراه وابقي عام اثار زي زاهي حواس بس الخير عند ربنا اكيد...........اللي عايز اعمله هو اني انجح في المجال اروائي بجانب عملي وكمان اابقي زوج كويس علي قد ماقدر لاني باشوف نماذج رخمه موووووووت للازواج والملل اللي بيحصل لهم.............اللي ندمت عليه اني ماقربتش من بابا اكتر قبل مايموت وحاسس كاني ماشبعتش منه بس قدر ربنا وكمان اني تعاملت باحترام وادب زياده مع ناس مايستهلوش خالص..............وانا فخور ان ماما بتعتمد علي قراراتي من وفاه بابا من 5 سنسن واني رايي مسموع في العيله ولان صحابي معتبريني اخ ومستشار عاطفي مع اني لسه ماحبتش وباني برضه غيرت بعض الناس بفغضا اللخ للاحسن

انا بحب اقرأ لكله لانه متعه انك تدخلي في دماغ كذا واحد وانتي قاعده وده بيكبرك وانتي صغيره ويخليكي مميزه عن باقي الناس................وانا بانصح بقراءه روايتين ن وداريه لسحر الموجي.......وكتب انيس منصور خصوصا الغاطفيه.........زكتابات عمر طاهر الساخره...........وروايات جمال الغيطاني اللي دماغها عاليه جدا وروايات نجيب محفوظ خصوصا اللي ماتعملتش افلام........والروايات العالميه لمشهوره..........وكمان كتابات شريف عرفه ........واي روايه لانهم ممتعين اي كان الكاتب.................احب فيلم بعض افلام يوسف شاهين خصوصا المهاجر والمصيروالارض وافلام احمد حلمي ومكي واحمد عز وفيه كتييررررر والالجنبي هاري بوتر اغايه الجزء الرابع وافلام الرعب والتاريخ الامريكيه ياسلام علي الرومانسي النضيف من غير.....واحب ممثل مافيش حد معين بس باموت في ال باتشينو واحمد زكي ومش عايز اظلم حد.............والممثلات هند صبري لما بتكون بتمثل صح وبرضه مش عايز اظلم حد

باحب اوي اسمع الموسيقي الكلاسيك خصوصا سيمفونيات بيتهوفن التاسعه والسابعه والخامسه والمون لايت وكان باحب فيردي وباخ....وباسمعه خصوصا وانا بعمل شويه يوجا اتعامتهم من واحد كده..............وطبعا باحب اقرأ وليا طقوس معينه ساعه القرأه منها انب باطفي نور الاوضه واجيب لمبه قديمه موتت مش عارف ليه واجهز الشاي الاخضرواجهز قعده معينه واعيشش مع اروايه..............وطبعا باكتي شويه حاجات كده...........وباحب كتير الخروج خصوصا ان بابا سايبلي عريبه صغنونه 128 فبتساعدني اروح ساقيه الصاوي اللي بعشقها والزماللك والمشي في شوارع الكوربه ومقبله صحابي وكده...........................وباحب اعرف طرق طبخ جديده واقولها لماما

مع الاعتذار لجميع حبايبي اللي في تجاره عربي..............بس الافضليه لينا في العمل لاننا الاكتر مجاراه للعصر وكمان يناخد كورسس فبنبقي احسن وربنا مع الجميع بس تجاره انجلش افضل وربنا مع الكل

وبكده اتمني اكون جاوبت علي الاسئله كلها ويارب ماكونش ممل في اجاباتي او اناني او حاجه وشكرا علي احتمال رغيي الرخم ورمضان كريييييييييييييييييييييييييييم

ميرسي بجد يا ديروو علي الكلام الحلو ده.................والناس اذواق في الموسيقي وبعدين انتي سميعه عاليه اوي كفايه انك بتسمعي الست الروعه ودي مش اي حد بيسمعها..................وبيتهوفن في سيمفونيات ليه اصواتها مزعج وعالي لكن انا بحب الهادي منها اللي بيبقي زي الهمس او تحسي انك فووووووووق جبل عالي في روقاااااااان.........وباخ موسيقته حلوه بس متعجبش كتيرين..............وكويس انك سبتي النمله لان اخبارها كانت هتوصلني من اخواتها لو قتلتيها وساعتها كنت هانتقملها....................ههههههههههههههه...............وبجد حاجه حلوه انك نفسك تقرأي لانها بتديكي سن فوق سنك وعقل اكبر من عقللك واقر اي في اي مجال...........انا والله كتير بأقرأ ساعات في الميك اب وطرق العنايه يتاعت البنات.........هههههه....................يمكن عشان ماعنديش بنوته اخت فبعوض ده.........ههههههه....................وكل سنه وانتي طيبه ياديروو.............ولو موافقه تعالي افطري عندنا اول يوم.....اهو عدد الافراد يزيد شويه اصل اللمه حلوه برضهههه .......

ميرسييييييييييييييييييييييييي يا هدير على شعورك الجميل ده بس اهم حاجه يكون الفول عليه شطه كده مش على يموت والناس تأكل كده وخلاص ولا حتى تقرى الفاتحه

.بجد ميرسيييييييييييييي ليكى يا هدير جاوبتى تمام وزى الفل
وزى كل مره مع ضيف جديد والسلام عليكم ورحمه الله وبركاته